Президенттик шайлоо-2017. Шайлоочу эмнени билиши керек?
Президенттик орунга 50 жаран ат салышууда. Алгач 59 кыргызстандык талапкерлигин көрсөткөн. Анын 48и өз алдынча шайлоого катышкандар, 11ин партиялар сүрөп чыгышты. Шайлоого аттанган жети аял тең өзүн-өзү көрсөткөндөр. Борбордук шайлоо комиссиясына арыз бергендер эми 31-авугстка чейин керектүү документтердин баарын тапшырып бүтүшү керек. 10-сентябрга чейин талапкерлер катталат.
Биринчилерден болуп Темир Сариев катталды. Андан кийин Өмүрбек Бабанов жана кечээ отставкага кеткен премьер-министр Сооронбай Жээнбеков талапкерлик күбөлүгүн алды.
2017-жылдын 15-октябрындагы шайлоодо жарандардын биометриялык маалыматтары колдонулат.
«24.kg» агентиги шайлоочулар үчүн керектүү болгон маалыматтарды топтоду.
Шайлоого катышуу -бул жарандык милдет. Эгер бир да талапкер купулуңузга толбосо, шайлоого келип, баарына каршы добуш берүү укугуңуз бар.
