Юлия КОСТЕНКО
15:19, 07 июля 2017, 24.kg
«Каркыра» көзөмөл өткөрүү бекетинде туристтердин көптүгүнөн тыгын жаралды
«Каркыра» көзөмөл өткөрүү бекетинде туристтердин көптүгүнөн тыгын жаралды. Бул тууралуу Мамлекеттик чек ара кызматынан «24.kg» агентигине билдиришти.
Маалыматка караганда, Казакстанда 6-7-8-июлда Астана күнүнүн майрамына эс алуу жарыяланып, анүстүнө күн ысып, көпчүлүк коңшулар Ысык-Көлгө кайра агылды. Казакстандын «Кеген» көзөмөл өткөрүү пункту мынча көп элди кабыл ала албагандыктан, Кыргызстан тарапта дагы тыгын жаралды.
Машинаны жана паспортту текшерүүгө 20 мүнөт кетип, көпчүлүк эс алуучулар 4-5 саат кезекте турушкан.
Чек ара кызматы азыр абал узун кезек жоктугун маалымдашты.
202
