14:06, 03 июля 2017, 24.kg
Ош шаарында жоголгон кыз табылды
Ош шаарында жоголгон Камила Нургазиева табылды. Бул тууралуу «24.kg» агентигине Ош шаарынын Ички иштер башкармалыгынын пресс-катчысы Замир Сыдыков билдирди.
Анын айтымында, Камила шаардын башка районундагы туугандарыныкында болгон.
«Оштогу базардан туугандарын көрүп калып ошолордукуна кетип калыптыр. Камила изделип жатканын алар билишпептир» - деди ал.
Эскерте кетсек, 2007-жылы төрөлгөн Камила Нургазиева 1-июль күнү үйдөн чыгып кеткен бойдон кайра келген эмес. Милиция аны эки күн издеген.
326
