10:29, 30 июня 2017, 24.kg
Президентикке ат салышкандардын саны 11ге жетти
Президентикке ат салышкандардын саны 11ге жетти. Алардын тогузу өзүн-өзү көрсөткөндөр, экөө саясый партиянын атынан талапкерлер. Бул тууралуу Шайлоо жана референдум өткөрүү боюнча борбордук комиссиясы маалымдайт.
29-июнда «Өнүгүү-Прогресс» партиясынын лидери Бакыт Төрөбаев жана «Дүйнө генералдары тынчтык үчүн» эл аралык бирикмесинин кеңешчиси, Ооганстанда эмгектенген дипломат Таалатбек Мамасадыков документтерин тапшырышты.
Эскерте кетсек, буга чейин Өмүрбек Текебаев, Назаркул Нышанов, Темир Сариев, Арстанбек Абдылдаев, Рита Карасартова, Бакыт Дегенбаев, Сайнидин Султанидинов, Турсунбай Бакир уулу, Камиля Шаршекеева Боршайкомго талапкер катары катталуу үчүн документтерин тапшырган.
365
