Суйунбек ШАМШИЕВ
14:05, 21 июня 2017, 24.kg
Өзгөн районунда кооптуу жерде жашаган 40 үй-бүлө көчүүдөн баш тартууда
Өзгөн районунда кооптуу жерде жашаган 40 үй-бүлө көчүүдөн баш тартууда. Бул тууралуу Өзгөчө кырдаалдар министри Кубатбек Боронов бүгүн маалымат жыйында билдирди.
Анын айтымында, аларга жер тилкеси бөлүнүп берилди. Ага карабай, үй-жайын таштап кеткиси жок.
«Эмки жылы жер кайра көчөт. Андыктан, быйыл аларды сөзсүз которуш керек», — деди министр.
Ал Өзгөн районунун Аюу-Сай айылында жер көчкөн аймакта төрт үй-бүлө гана мыйзамдуу жашабаса, калгандары эскертүүлөргө көңүл бөлүшкөн эместигин маалымдады.
Министрдин билдирүүсүндө, Өзгөн районунда 219 гектар айыл чарба жери курулуш аймагына өзгөртүлдү.
205
