Бишкекте 9-класстын окуучусу асынып өлдү
Бишкекте 9-класстын окуучусу асынып өлдү. Бул тууралуу «24.kg» агентигине ИИМден билдиришти.
Алардын айтымында, окуя ордо кааланын Свердлов районунда болгон. Алдын-ала маалыматтар боюнча окуучу кыз мектептеги сынакты тапшыра алган эмес.
«Апасы Казакстанга кеткен. Ал эми апасы менен чогуу жашаган киши жумуштан келип, асынып алган кызды тааптыр. Учурда кыздын зордукталган — зордукталбаганы иликтенип жатат», — дей ИИМ.
ИИМдин маалыматында, 2016-жылы республика боюнча 95 жашы жете элек бала өз өмүрүн кыйган. Алардын 39у кыздар, 56сы балдар. Үстүбүздөгү жылдын 4 айында 47 факт катталды. Бул өткөн жылдын ушул мезгилине салыштырмалуу 20,5 пайызга көп. Быйыл 37 бала, 10 кыз өз өмүрүнө кол салган.
Мекеменин билдирүүсүндө, 29 бала ата-энеси менен чырдан кийин, үч бала ооруудан, 9 бала сүйүүдөн суицидке барган.
