Юлия КОСТЕНКО
11:03, 02 июня 2017, 24.kg
Жөнөкөй жарандар кирешесинин 6 пайызын электр жарыгына төлөйт
Электр жарыгынын жеңилдиктеринен ири кардарлар гана колдонот. Бул тууралуу бүгүнкү маалымат жыйында Дүйнөлүк банктын Кыргызстандагы өкүлчүлүгүнүн экономисти Бакыт Дубашов билдирди.
Анын айтымында, жөнөкөй жарандар кирешесинин 6 пайызын электр жарыгына төлөйт.
Экономисттин пикиринде, электр жарыгынын наркы калыс эмес. Жеңилдиктерди көбүнчө ири кардарлар-булар ишканалар жана коммерциялык түзүмдөр, гана колдонушат. Анткени, жогорку баа менен акы төлөй алгандарга гана жеңилдик берилет.
»Байлар эки жарым эсе көп жардам алышат. Карапайым калк эч бир жардамды колдонбойт. Тарифтик реформа керек», — деди Бакыт Дубашов.
198
