Анастасия БЕНГАРД
17:09, 25 мая 2017, 24.kg
Мектеп окуучулары башкарган 10 машинага айып салынды
Ош шаарында эки мектеп окуучусу ата-энесинен уруксатсыз машинаны үйдөн айдап чыгышкан. Бул тууралуу «24.kg» МАсына ИИМдин жашы жете электер менен иштөө бөлүмүнүн жетекчиси Азамат Абдырахманов билдирди.
Анын айтымында, мектеп окуучулары классташтары менен бирге шаарды айланып жүргөн жеринен кармалып, машинасы атайын жайга жеткирилди.
ИИМдин билдирүүсүндө, саат 15.00гө республика боюнча баардык мектептерде акыркы коңгуроо салтанаты аяктады. Учурда шаарларда тартип сакчылары рейд жүргүзүүдө.
«Бир эле Бишкек боюнча 50 административдик протокол түзүлүп, айып салынган унаалардын туругуна 10 машина коюлду», — деп билдирди Азамат Абдырахманов.
98
