10:48, 31 июля 2023, 24.kg
Президент Оштогу университеттин жаңы корпусунун курулушун тездетүү тапшырды
Садыр Жапаров Ош облусуна болгон жумушчу сапарынын алкагында Ош мамлекеттик педагогикалык университетинин жаңы корпусунун курулушу менен таанышты.
Беш кабаттуу объекттин курулушу 2021-жылдын ноябрь айында башталган.
Окуу жайдын жаңы имаратында 54 окуу бөлмөсү, китепкана, ашкана, конференц-зал жана компьютердик класс болот. Ошондой эле, мүмкүнчүлүгү чектелген адамдар жана улгайгандар үчүн пандустарды, лифет орнотуу каралган.
Ал жакта Баткен, Жалал-Абад, Ош облустарынын студенттери үчүн педагогикалык адистик боюнча гана окутуу жүргүзүлөт.
Президент имараттын курулушун жаңы окуу жылына карата бүтүрүү тапшырмасын берди.
0
