11:24, 17 июля 2023, 24.kg
Facebook колдонуучусу улут аралык кастыкты козгоого шектелип кармалды
Facebook социалдык тармагынын колдонуучусу улут аралык кастыкты козгоого шектелип кармалды. Бул тууралуу УКМК билдирди.
Маалыматка караганда, Ч.А.С. ысымдуу жаран чагымчыл сөздөрдү жазып, өлкө жарандарынын арасында кастыкты козуткан ар кандай тенденциялуу материалдарды системалуу түрдө жарыялап турган.
«Аталган жаран мурда да бир нече жолу улуттар аралык кастыкты козутууга багытталган билдирүүлөрдү жасап, алар үчүн сот органдары тарабынан 5 суткага административдик камакка алынган, бирок көрүлгөн чараларга карабастан, өзүнүн мыйзамсыз иштерин уланткан», — дейт УКМК.
0
