10:01, 13 июля 2023, 24.kg
Түрк дарыгерлери Бишкекте бөйрөк алмаштыруу боюнча операцияларды жасайт
Кыргызстанда бөйрөк алмаштыруу (трансплантация) операциясы жасалат. Бул тууралуу президенттик администрациянын маалымат кызматынын жетекчиси Дайырбек Орунбеков билдирди.
Анын айтымында, операциянын түрк дарыгерлери кыргыз-түрк «Достук» клиникасында жасашат.
Түркия мамлекетинен 120 адис Бишкекке келди. Алар «Семетей» мейманканасында жайгаштырылды.
«Мисалы, Белоруссияда бөйрөк алмаштыруунун чыгымы 65 миң, Түркияда 25 миң долларга бааланса, Бишкекте болжолдуу чыгымы 7 миң доллардын тегерегинде болот. Муну Орто Азияда жана кошуна мамлекеттерге салыштырмалуу эң арзан деп айтсак болот», — дейт Дайырбек Орунбеков.
Алгачкы операция август айында күтүлөт.
0
