09:21, 10 апреля 2023, 24.kg
Антальяда жол кырсыгында 30 жаштагы кыргыз жараны каза болду
Антальяда жол кырсыгында эки киши каза болду. Анын бирөө кыргыз жараны. Бул тууралуу түрк маалымат каражаттары билдирди.
Жол кырсыгы 8-апрелде болгон. Маалыматта рулда олтурган түрк жараны Сулейман Байрам жогорку ылдамдыкта бара жатып, унааны башкара албай калып, бетон тосмону сүзүп алган.
Кыргызстандын Тышкы иштер министрлигинин маалыматында, жол кырсыгында 1993-жылы туулган Бактыбек кызы Айпери көз жумду. Анын жанында болгон дагы бир кыргыз жараны - Даткайым Асранкулова ар кандай жаракат менен ооруканага жеткирилген.
Учурда жүк-200 Кыргызстанга жеткирүү иштери жүрүүдө.
0
