14:26, 30 марта 2023, 24.kg
Кара-Суунун районунун мектеп окуучулары атырдан ууланганын айтышкан
Ош облусуна караштуу Кара-Суу районунун Момбеков атындагы №101 орто мектебинин окуучулары атырдан ууланганын айтышкан. Бул тууралуу Билим берүү жана илим министрлиги билдирди.
Милиция кызматкерлери атырды экспертизага жиберишти.
Сабакта 43 окуучу болгон. Окуя катталган күнү, 29-мартта бардык окуучулар дарыгерлердин көзөмөлүнөн өтүп, 18 окуучуну 24 саатка текшерүү үчүн ооруканага жаткырып туруу боюнча чечим чыгарылган. Калган окуучулардын ден соолугуна доо кетпегени үчүн үйлөрүнө коё берилген.
Кара-Суу райондук билим берүү бөлүмүнүн маалыматына ылайык, текшерүүгө алынган 18 окуучунун абалы жакшы, учурда жергиликтүү дарыгерлер тарабынан бүгүн кайра үйлөрүнө чыгаруу боюнча консилиум өткөрүлүүдө.
0
