10:10, 10 марта 2023, 24.kg
Түркияга жардам. Кыргызстанда акча чогултуу уланууда
Түркияга жардам иретинде 100 миллион 559 миң сом чогулду. Бул тууралуу Финансы министрлиги билдирди.
Эске салсак, 6-февралда Түркиянын түштүк-чыгышында күчү 7,4 жана 7,6 баллга жеткен жер титирөөлөр болгон. Жер титирөөнүн очогу Кахраманмараш провинциясында болгон. Табигый кырсык 13,5 млн калкы бар дагы 10 провинцияга жана коңшу Сирияга да таасирин тийгизди. Акыркы маалыматтар боюнча, Түркияда жер титирөөдөн 44 миңден ашуун адам каза болду.
0
