10:26, 30 января 2023, 24.kg
Иранда жер титирөөдөн 816 киши жабыркады
Ирандын түндүк-батышындагы Батыш Азербайжан провинциясындагы жер титирөөдөн 816 киши жабыркап, бери дегенде эле үч киши өлдү.
Бул тууралуу IRNA агенттиги провинциянын губернатору Мухаммад Садег Мотамедянга шилтеме жасоо менен билдирди.
Анын маалыматына караганда, 124 киши ооруканага жаткырылды. Буга чейин бийлик эки шаарда жана 70 айылда турак жайлар 20 пайыздан 50 пайызга чейин зыянга учураганын кабарлаган.
Күчү 5,9 баллга жеткен жер титирөө 28-январда болгон.
0
