12:00, 16 января 2023, 24.kg
ИИМ: Саясатчылар жана бизнесмендер криминалды каржылайт
Ички иштер министрлигинде кылмыштуу топторду каржылаган саясатчылар жана бизнесмендер боюнча маалымат бар. Бул тууралуу маалымат жыйында министрдин орун басары Нурбек Абдиев билдирди.
Ал айрым саясатчылар менен ишкерлер кылмыштуу топтор менен байланышта экенин белгиледи.
«Кылмыштуу топтор менен алардын чогуу бизнеси бар жана алар финансалык жардам көрсөтүп турат. Милиция кызматкерлери териштирүү жүргүзүүдө. Айрым спортчулар дагы криминал менен байланышта. Жаштар дагы криминалга кошулуп, алардын талашынын курмандыгы болушу ыктымал», — дейт Нурбек Абдиев.
Нурбек Абдиевдин айтымында, 2022-жылы уюшулган кылмыштуу топтун 157 мүчөсү жоопко тартылды.
0
