15:15, 12 января 2023, 24.kg
Памирдеги кыргыздарга сасык тумоо менен күрөшүүгө жардам берүү сунушталды
Ооганстандын Памир аймагында жашаган кыргыздар сасык тумоого каршы дары-дармек муктаж. Бул тууралуу бүгүн Жогорку Кеңештин жыйынында депутат Чолпон Султанбекова билдирди.
Анын айтымында, Памирде эпидемиологиялык абал курчуп бара жатат.
Депутат Сасык тумоо менен күрөшүү үчүн дары-дармек, азык-түлүк жана башка керектүү каражаттар түрүндө гуманитардык жардам көрсөтүү боюнча ыкчам чараларды көрүүнү сунуштады.
Белгилей кетсек, Памирде 1,5 миңдей этникалык кыргыздар жашайт.
0
