15:31, 11 января 2023, 24.kg
Кыргызстан паспорт рейтингинде 81-орунда турат
Кыргызстандын паспорту Henley & Partners рейтингинде дүйнөдөгү 227 өлкөнүн ичинен 81-орунда турат.
Белгилей кетсек, кыргыз жарандарына 66 өлкөгө визасыз кирүүгө уруксат берген.
ЕАЭБге мүчө өлкөлөрдүн ичинен визасыз багыттар боюнча Орусия 49-орунда турат. Бул өлкөнүн жарандары 118 мамлекетке визасыз каттай алышат. Беларус 68-орунда (78), Казакстан 70-орунда (76), Армения 79-орунда (66), Өзбекстан 85-орунда (59) турат.
Дүйнөдө эң эле күчтүү паспорт Жапонияныкы. Өлкө алдыңкы позициясын сактап калды. Жапондор 166 багытка визасыз каттай алышат.
Рейтингде антилидерлердин тизмеси дээрлик өзгөргөн эмес. Акыркы 109-орунда Ооганстан турат. Оогандар 27 өлкөгө гана визасыз каттай алышат. Рейтингдин аягында Ирак, Сирия, Пакистан жана Йемен бар.
0
