Кыргызстанда акыркы суткада 12 өрт кырсыгы катталды
Кыргызстанда акыркы суткада 12 өрт кырсыгы катталды. Бул тууралуу Өзгөчө кырдаалдар министрлигинен билдиришти.
Маалыматка ылайык, Бишкек шаарында 3, Чүй облусунда 2, Ысык-Көл облусунда 2, Жалал-Абад облусунда 2, Ош облусунда 3 өрт кырсыгы катталып, аларды өчүрүүгө 17 бөлүм тартылган.
Алсак, Бишкектеги 12-кичирайондун ГСК гараж курулуш кооперативинде жыгач устундуу темир менен жабылган жалпы аянты 25 чарчы метр болгон гараж жана Lexus 570 үлгүсүндөгү унаа толугу менен күйгөн. Өрттүн себеби такталууда.
Арча-Бешик конушунун Сейдибалы көчөсүндө турак үйдүн короосунда отун жана 2 тонна көмүр күйгөн. Өрттүн себеби такталууда.
Ак-Суу районунун Жергез айылында жалпы аянты 120 чарчы метр болгон бастырма толугу менен жана 150 түк чөп, 150 түк саман күйгөн. Өрттүн себеби такталууда.
