Кыргызстандын тышкы соодасынын көлөмү 10 айда 9,6 млрд долларды түздү
Кыргызстандын тышкы жана өз ара соодасынын көлөмү 2022-жылдын январь-октябрында 9,6 млрд долларды түздү. Бул тууралуу Улуттук статистикалык комитеттин басма сөз кызматы билдирет.
Маалыматка ылайык, бул 2021-жылдын январь-октябрына салыштырмалуу 41,2 пайызга көбөйдү, мында экспорттук жөнөтүүлөр 23,1 пайызга азайган, ал эми импорттук келип түшүүлөр тескерисинче 1,7 эсеге өскөн.
Ошондой эле Кыргызстандын ЕАЭБге мүчө мамлекеттер менен өз ара соодасынын көлөмү 2022-жылдын январь-октябрында 3,8 млрд АКШ долларын түздү жана 2021-жылдын январь-октябрына салыштырмалуу 39,2 пайызга көбөйдү. Мында экспорттук жөнөтүүлөр 1,9 эсеге, импорттук келип түшүүлөр 22,9 пайызга көбөйгөн.
2022-жылдын январь-октябрындагы республиканын ЕАЭБге мүчө мамлекеттер менен өз ара соодасынын эң жогорку үлүшү Россияга (72,3 пайыз) жана Казакстанга (25,5 пайыз) туура келди.
