12:30, 23 ноября 2022, 24.kg
Бишкекте мектеп окуучулары үчүн автобус кийинки жумада каттай баштайт
Мектеп автобустары кийинки аптадан тарта каттай баштайт. Бул тууралуу Бишкек шаарынын мэри Эмилбек Абдыкадыров кабарлады.
Анын айтымында, бул пилоттук долбоор № 29, 28, 69, 70 жана 13-мектептин окуучулары үчүн киргизилүүдө.
«Эгер долбоор ийгиликтүү ишке ашса, башка мектептер дагы камтылат», — дейт калаа башчысы.
Эскерте кетсек, долбоорду жеке компания жол-транспорттук инфратүзүмдү өнүктүрүү департаменти менен биргеликте ишке ашырууда. Тариф маселеси мектеп жетекчилери, ата-энелер комитети жана окуучуларды ташый турган компания ортосунда сүйлөшүлүп, такталууда.
0
