17:34, 21 ноября 2022, 24.kg
COVID-19. Кыргызстанда бир жумада 28 учур катталды
Кыргызстанда бир жума аралыгында 14нөн 20-ноябрга чейин коронавирустун жаңы 28 учуру катталды. Бул тууралуу Оорулардын алдын алуу жана мамлекеттик санитардык-эпидемиологиялык көзөмөлдөө департаменти билдирди.
Берилген маалымат боюнча, алты бейтап ооруканага жаткырылып, 22си амбулатордук дарыланууда.
Азыркы убакта бардык аймактар жашыл зонада экендиги маалым.
Жыл башынан бери республика боюнча жалпысынан COVID-19дун 21 миң 764 учуру катталып, анын 90,8 пайызы лабораториялык жана 9,2 пайызы клиникалык жана эпидемиологиялык тастыкталган.
0
