15:58, 21 ноября 2022, 24.kg
Армения Азербайжанды армян позицияларын аткылоого айыптады
Армениянын Коргоо министрлиги 20-ноябрь күнү саат 21:00дө Азербайжандын Куралдуу күчтөрүнүн бөлүгү ар түрдүу калибрдеги куралдардан армян-азербайжан чек арасынын чыгыш бөлүгүндөгү армян позициясына ок чыгарганын билдирди.
Министрликтин басма сөз кызматынын маалыматына караганда, армян тарапта жоготуу болгон жок.
Бүгүн 21-ноябрда ал жакта абал туруктуу.
Азербайжан тарап бул боюнча кандайдыр бир билдирүү жасай элек.
Акыркы күндөрү тараптар маал-маалы менен бири-бирин ок атууга айыптоодо. 17-ноябрда азербайжан тараптан атылган октон армян жоокери жаракат алган. Кийинчерээк Азербайжандын Коргоо министрлиги бул маалыматты караманча четке каккан.
0
