12:02, 12 сентября 2022, 24.kg
Сокулук районунда чет элдик жаран учакта акча уурдап кармалды
Сокулук районунда чет элдик жаран учакта акча уурдап кармалды. Бул тууралуу Чүй ОИИББнын басма сөз кызматы билдирди.
Маалыматка ылайык, Сокулук РИИБке арыз менен Россиянын жараны П.И. кайрылып, арызында 2022-жылдын 6-7 сентябрь күндөрү Бишкек — Стамбул рейси менен келе жаткан учактын бортунда, белгисиз адамдар $6 миң 700 уурдап кетишкенин билдирген.
Аталган окуя боюнча Сокулук РИИБтин тергөө кызматында Кылмыш-жаза кодексинин 205-беренесинде («Уурулук») көрсөтүлгөн кылмыш курамы менен кылмыш иши козголгон.
Жүргүзүлгөн ыкчам-иликтоо иштеринин натыйжасында, бул кылмышты Кытайдын жараны 1984-жылы туулган З.Х. экендиги такталып, шектүү катары кармалып убактылуу кармоо жайына киргизилди.
Тергөө уланып жатат.
0
