12:23, 30 августа 2022, 24.kg
Жубайын сабап өлтүргөн мурдагы милиционер 12,5 жылга соттолду
Талас шаардык ички иштер башкармалыгынын жол кыймылынын коопсуздугун камсыздоонун мурдагы кызматкери жубайын өлтүргөнү үчун 12 жылга эркиндигинен ажыратылды.
Облустук соттун басма сөз кызматынан билдиргендей, Ж.А.К. Кр Кылмыш-жаза кодексинин 122-беренесине ылайык күнөөлүү деп табылып, 12 жыл 6 айга эркиндигинен ажыратылды, мүлкү конфискацияланган эмес.
Соттолуучу жазасын жалпы режимдеги колонияда өтөйт.
Мындан мурда 2021-жылы 29-декабрда 1992-жылы туулган жаран Э.Н. токмок жегенден кийин каза болгон. Анын жолдошу жогорудагы кызматкер адам өлтүрүүгө шектелип кармалган.
0
