11:13, 08 августа 2022, 24.kg
«Манас» эпосу англис тилине которулду
«Манас» эпосу англис тилине которулду. Бул тууралуу Алыкул Осмонов атындагы Улуттук китепканасынын басма сөз кызматы билдирди.
Маалыматка ылайык, Мар Байжиевдин хрестоматиялык варианты боюнча «Манас» үчилтигин англис тилине Акылай Байматова которгон, анын бет ачары 9-августта Улуттук китепканада өтөт.
Иш-чарага мамлекеттик катчы Сүйүнбек Касмамбетов, маданият, маалымат, спорт жана жаштар саясаты министри Азамат Жаманкулов, АКШнын Кыргызстандагы элчиси жана башкалар катышат.
«Китептин ачылышында англис тилинде манас айтылып, чет тилдеринде сценкалар коюлат. Каалоочулар үчүн кирүү акысыз», — деп айтылат маалыматта.
0
