11:32, 28 июля 2022, 24.kg
«Жалал-Абад» жана «Баткен» аэропорттору убактылуу жабылат
«Жалал-Абад» жана «Баткен» аэропорттору оңдоо иштерине байланыштуу 1-августтан тарта жабылат. Бул тууралуу «Манас» эл аралык аэропорту" ААКнын басма сөз кызматы билдирет.
Маалыматка ылайык, оңдоо иштерин 2022-жылдын 1-ноябрында аяктоо пландалууда.
Капиталдык оңдоо иштери аэродромдордун төшөлмөлөрүнүн колдонуу мөөнөтүн узартуу жана учуулардын коопсуздугун камсыз кылуу максатында жүргүзүлөт.
Белгилей кетсек, «Баткен», «Жалал-Абад» аэродромдорунда капиталдык оңдоо иштери бул убакытка чейин жүргүзүлгөн эмес.
«Манас» ачык акционердик коому кардарларларынан кечирим сурайт жана түшүнүү менен мамиле кылууну өтүнөт.
0
