14:56, 10 июня 2022, 24.kg
Бишкек — Балыкчы жүргүнчү поезди 17-июндан тарта каттай баштайт
Бишкек — Балыкчы багытындагы жүргүнчү поезди каттай баштайт. Бул тууралуу «Кыргыз темир жолу» мамлекеттик ишканасынан билдирди.
Маалыматка ылайык, үстүбүздөгү жылы 17-июндан 17-июлга чейин жума, ишемби, жекшемби күндөрү, ал эми 18-июлдан 31-августка чейин күнүгө Бишкек-2 — Балыкчы багытындагы өлкө ичиндеги жүргүнчү поезди каттай баштайт.
«№ 608 «Бишкек-2 — Балыкчы» поезди Бишкектен саат 07:40та чыгып, Балыкчы станциясына саат 11:42де жетет, ал эми № 609 «Балыкчы — Бишкек-2» поезди Балыкчыдан саат 17:48де чыгып, Бишкекке 21:50дө келет», — деп айтылат маалыматта.
0
