15:27, 14 апреля 2022, 24.kg
Айсулуу Тыныбекова менен Акжол Махмудовдун авиабилетине акча бөлүндү
Кыргыз балбандарынын Азия оюндарына катышуусу үчүн Финансы министрлиги акча бөлдү. Бул тууралуу мекемеден билдиришти.
Маалыматка караганда, спортчулар үчүн бүгүн 7,5 миллион сом которулду.
Белгилей кетсек, бүгүн парламентте Токио олимпиадасынын күмүш медалынын ээлери Айсулуу Тыныбекова менен Акжол Махмудовдун баштаган спорт чеберлери Монголияда өтө турган оюнга катышуу үчүн учакка билет сатып ала албай жатканы айтылган.
Азия оюндарына 23 балбан катышат. Аларды 6 тренер, эки дарыгер жана бир массажист коштоп барат.
0
