10:01, 28 февраля 2022, 24.kg
«Ак-Босого» конушунда муздак суу убактылуу өчүрүлөт
«Бишкексууканал» өндүрүштүк-эксплуатациялык башкармалыгынын маалыматына караганда, 1-мартта саат 9:00дөн 15:00гө чейин «Ак-Босого» жаңы конушунда таза суу токтотулат. Бул тууралуу мэриянын маалымат кызматы билдирди.
Турак жайлар, мектептер, бала бакчалар, саламаттыкты сактоо мекемелери жана башка социалдык-тиричилик объектилери жана өнөр жай ишканалары суусуз калат.
Бул «Ак-Босого-1» жана «Ак-Босого-2» суу алгычтарындагы жана шаардагы таза суу түтүктөрүндөгү оңдоо-профилактикалык иштерге байланыштуу.
Борбор калаанын мэриясы келтирилген ыңгайсыздыктар үчүн кечирим сурайт жана шаардыктарды, мекемелерди ичүүчү суу камдап алууну суранат.
0
