12:48, 17 декабря 2021, 24.kg
Садыр Жапаров: Жанар иним ичиң толо арам болсо эле мени да өзүңдөй ойлобо
Садыр Жапаров «Альянс» партиясынын мандатын бөлүштүрүү боюнча талашка аралашып, өз пикирин Facebook баракчасына жарыялады.
Анда өлкө башчысы айланасындагылардын каршылыгына карабай, жооп берүүнү туура көргөнүн айтат.
«Жанар иним, өзүңдүн ичиң толо арам болсо эле мени да өзүңдөй ойлобо. Тескерисинче, БШКнын төрайымы Нуржан Шайлдабековага кимдир бирөөлөр барып, «президент менен макулдаштык, Жанар Акаевди колдоп койсун деди», — дешиптир. Мен Нуржан Шайлдабековага «бир гана мыйзам талабы жана адилеттүүлүк менен чечкиле, эч ким силердин ишиңерге кийлигишпесин», — дедим. Ким барганын, атын да сураганым жок. Аны БШК төрайымы өзү айтсын",- дейт ал.
0
