Мирзиёев добуштардын 80,1 пайызын алып, экинчи мөөнөткө шайланды
Өзбекстанда жекшемби күнү өткөн президенттик шайлоодо азыркы мамлекет башчы Шавкат Мирзиёев жеңишке жетти. Борбордук шайлоо комиссиясы билдиргендей, президент жалпы добуштардын 80,1% алды.
Расмий маалыматка ылайык, «Элдик демократиялык партиядан » Максуда Варисова добуштардын 6,6%, «Улуттук кайра жаралуу партиясынын» лидери Алишер Кодиров 5,5%, «Экологиялык партиядан» Назрулло Обломурадов 4,1%, «Адилет» партиясынан Бахрам Абдухалимов 3,4% алды.
БШК билдиргендей, добуш берүүгө 20 миллиондон ашуун шайлоочунун 80,8% катышты.
Өзбек оппозициясы шайлоодо чыныгы атаандаштыкка мүмкүнчүлүк берилбегенин, «жасалма шайлоо» болгонун белгилеп жатат.
Европадагы коопсуздук жана кызматташтык уюмунун (ЕККУ) байкоочулары шайлоо тынч өткөнү менен «чыныгы атаандаштык болбогонун» билдиришти.
