11:42, 08 октября 2021, 24.kg
Абдыкерим Алимбаев: Баш ийбеген контрабандисттерге каршы курал колдонулат
Күч органдарынын талабына баш ийбеген контрабандисттерге каршы курал колдонулат. Бул тууралуу президенттин Баткен облусундагы өкүлү Абдыкерим Алимбаев билдирди.
Анын айтымында, Тажикстандан жүк ташыган жарандар укук коргоо органдарынын талабына баш ийбеген качып кетишет.
«Эгер мыйзам жол берсе, мыйзам чегинде курал колдонгула. Болбосо эл түшүнбөй калды. Токто десе болбой качып бара жатат», — дейт ал.
Белгилей кетсек, 5-октябрдан 6-октябрга караган түнү элдик кошуундун өкүлдөрү Тажикстандан жүк алып чыгып бара жаткан жети унааны кармашкан. Алар 22 тонна жүзүмдү Кыргызстандын аймагында сатууга бара жатышкан.
0
