18:48, 04 октября 2021, 24.kg
Бишкек шаарына жылуулук берилет
5-октябрдан баштап Бишкек шаарына жылуулук берилет. Алгач балдар бакчалары, мектептер, ооруканалар, төрөт үйлөрү жана социалдык коргоо мекемелери жылуулулукка туташтырылат. Андан соң турак-жайларга, карызы жок өндүрүш ишканаларына жана мекеме-уюмдарга берилет.
Тийиштүү токтомго мэр Айбек Жунушалиев кол койгону расмий кабарланды.
Кыргызстанда 1-октябрдан аба ырайы кескин өзгөрүп, суук түштү. «Кыргызгидромет» өлкөнүн көпчүлүк аймагында жаан-чачын болуп, тоолуу жерлерге кар жаай турганын кабарлаган. 5-октябрда бир катар облустарда үшүк жүрөт деп эскертилген.
0
