18:50, 29 сентября 2021, 24.kg
Ош аба майданындагы чек арачылар жемкорлукка шек саналууда
Улуттук коопсуздук боюнча мамлекеттик комитет (УКМК) «Ош аба майданындагы» көзөмөл-өткөрмө бекеттеринде иштеген чек ара кызматкерлеринин коррупциялык агымын аныктады. Мекеменин басма сөз кызматы кабарлагандай, алар чет өлкөлүк жарандардан акча алып турган деп шек саналууда.
Маалыматка ылайык, буга байланыштуу кылмыш иши козголду. Учурда аба майданындагы 20 чек арачыны текшерүү иштери уланып жатат.
Кыргызстанга келген чет элдик жарандар башка күч түзүмдөрүнөн да ыдык көрүп жүрүшкөнү буга чейин да айтылып келген.
0
