15:46, 10 сентября 2021, 24.kg
Жүк-200дү Кыргызстанга жеткирүү үчүн 2 жумада 10 миллион сом бөлүндү
18-августтан 31- августка чейин чет өлкөдө каза болгон мигранттардын сөөгүн мекенине жеткирүү үчүн бюджеттен 10 миллион сом бөлүндү. Бул тууралуу Тышкы иштер министрлиги билдирди.
Алардын маалыматында, жүк-200 үчүн мамлекет тарабынан каражатты алуу үчүн 138 арыз берилди.
Екатеринбург шаарындагы Башку консулдук үч арызды карап, 210 миң сом бөлгөн. Ал эми Новосибирскдеги дипломатиялык өкүлчүлүк 560 миң сом тапшырган.
ТИМдин маалыматында, Россияга кирүүгө 74 миң жаранга тыюу салынган.
0
