12:53, 17 августа 2021, 24.kg
Ноябрда Бишкекке жаңы автобустар келет
Бишкек шаарынын мэриясында Түркияда чыгарылган көп орундуу автобустарды жеткирүү боюнча меморандумга кол коюу иш-чарасы өткөрүлдү. Бул тууралуу муниципалитеттин маалымат кызматы билдирди.
Меморандумга мэриянын шаардык транспорт башкармалыгы менен «Грин Бас» ЖЧКсы кол коюшту. Жалпысынан 2021-2022-жылдары Бишкекке 300-350 автобус жеткирүү пландалууда.
Узундугу 10-12 метр болгон экологиялык жактан ыңгайлуу автобустардын биринчи партиясы ноябрдын аягына чейин борборго жеткирилет.
Транспорт эл аралык стандарттарга жана ден соолугунун мүмкүнчүлүгү чектелген жүргүнчүлөрдүн жүрүүсүнө, бардык талаптарга толук жооп берет.
0
