Жазгуль МАСАЛИЕВА
15:10, 22 июля 2021, 24.kg
Кыргызстанда пневмония менен ооругандардын саны 24 пайызга көбөйдү
Үстүбүздөгү жылдын январь-июнунда пневмония оорусуна чалдыгуулардын 16 миңден ашык учуру катталды. Бул тууралуу Улуттук статистикалык комитет билдирди.
Алардын маалыматында, бул өткөн жылдын тиешелүү мезгилине салыштырмалуу 24,3 пайызга көп.
Өткөн жылдын январь-июнуна салыштырмалуу пневмония оорусуна чалдыгуулардын Нарын облусунда - 1,7 эсеге, Чүй, Ысык-Көл облустарында жана Бишкек шаарында - 1,6 эсеге олуттуу көбөйгөнү белгиленди. Ошол эле учурда, оорулардын саны Баткен облусунда - 25,3 пайызга жана Талас облусунда - 20,1 пайызга төмөндөдү.
Пневмония оорусуна чалдыгуулардын жалпы санындагы эң чоң үлүш Чүй облусуна - 20,3%, Жалал-Абад облусуна - 17,6% жана Ош облусуна - 15,1% туура келди.
0
