13:12, 25 июня 2021, 24.kg
COVID-19. Кыргызстанда вирустун баардык штаммдары аныкталды
Кыргызстанда вирустун баардык штаммдары аныкталды. Бул тууралуу маалымат жыйында медицина илимдеринин доктору Зуридин Нурматов билдирди.
Анын маалыматында, Кыргызстан алынган анализдерди Россия, Европа жана АКШга жөнөтүп турат.
«Текшерүүнүн жыйынтыгында Кыргызстанда вирустун баардык штаммдары аныкталды: индиялык, британиялык, түштүк африка жана бразилиялык. Баары бар. Акыркы убакытка вирустун кескин көбөйүшү дагы ушуга байланыштуу. COVID-19 мутацияланган түрлөрү баштапкы түрүнө караганда 50-70 пайызга тез таркайт», — дейт ал.
0
