Университеттердеги IT-адистигине гранттык орундар көбөйтүлдү
Жогорку окуу жайлардагы IT-адистигине гранттык орундар көбөйтүлдү. Бул тууралуу өкмөттүн маалымат кызматы билдирет.
ЖОЖдордо гранттык негизде билим алуучуларды кабыл алуунун көлөмү жана адистиктердин тизмеси бекитилди. Ага ылайык 2019-2020-окуу жылына 5 миң 705 мамлекеттик билим берүү гранты берилип, анын 4 миң 903 оруну Билим берүү жана илим министрлигине караган жогорку окуу жайларына бөлүндү. Калган гранттык орундар мамлекеттик органдарынын ведомстволук окуу жайларына берилди.
«Суроо-талаптын өсүшүнө байланыштуу компьютердик технологиялар тармагындагы кесиптерге гранттык негизде окутуунун саны көбөйдү», — дейт өкмөт.
Ошондой эле жалпы гранттык орундардын 316 магистрдик тармакка бөлүү сунушталды. Дагы 405 гранттык орун чет өлкөдө жашаган этникалык кыргыздарга, I жана II топтогу мүмкүнчүлү чектелген жарандарга, жетим балдарга жана иштеп жаткан өкмөттөр аралык келишимдер боюнча милдеттенмелерди аткарууга каралган.
