08:31, 25 июня 2019, 24.kg
Кара-Суу районунда унаалар сүзүшүп, 1 киши каза болду
Ош облусуна караштуу Кара-Суу районунда 2 унаа сүзүшүп, 32 жаштагы киши каза болду. Бул тууралуу Ош облустук Жол кыймылынын коопсуздугун камсыздоо башкармалыгынан билдиришти.
Маалыматка ылайык, кырсыктан жабыркаган дагы 3 киши ооруканага жеткирилди.
«Кара-Суу районунун 1988-жылы туулган тургуну М.М. «Дэу Нексия» үлгүсүндөгү унаасын башкарып бара жатып, каршы тилкедеги «Хендай Портер» унаасы менен сүзүшкөн. Кесепетинен жанындагы киши окуя болгон жерде каза болгон. Ал эми экинчи унаадагы 2 жүргүнчү ар кандай жаракаттарды алышкан. «Дэу Нексия» үлгүсүндөгү унаанын айдоочусу Ош облустар аралык клиникалык ооруканасына жеткирилген», -деп айтылат маалыматта.
0
