ШКУ. Кытай-Кыргызстан-Өзбекстан темир жолу, улуттук валюта соода жүгүртүү, Ооган
Кыргызстан Шанхай кызматташтык уюмунун экономикалык кылмыш менен күрөшүү органын түзүүнү сунуштайт. Бул тууралуу Сооронбай Жээнбеков бүгүн уюмдун Бишкек шаарындагы «Ала-Арча» резицендиясында өтүп жаткан саммитинде билдирди.
Президент экономикалык кылмыштан трансулуттук маанайда болуп, баңгизат соодасы, аткезчилик жана акчаны адалдаштыруу менен тыгыз байланышта экенин белгиледи.
«Учурда интернет мамлекеттин коопсуздугуна реалдуу коркунуч жаратууда. Жалган маалымат көбөйтүлүп таркатылып, мамлекеттин аброюуна негативдүү таасир берүүдө. IT-технологияны кылмыш, террордук жана саясый-аскердик максатта колдонгон учурлар дагы кездешүүдө», — дейт Сооронбай Жээнбеков. Өзбекстан президент Кытай-Кыргызстан-Өзбекстан темир жолун ишке ашыруу зарылчылдыгын белгиледи. Анын айтымында, бул долбоор ШКУнун экономикалык карым-катнашын күчөтүп, инвестиция тартууга көмөктөшөт.
Ал эми Россия лидери Владимир Путин аймактык коопсуздук боюнча кеп салып, Ооганстандын маселесине көңүл бурду.
