15:39, 13 июня 2019, 24.kg
Кыргыз-кытай бизнес-форумунун алкагында 25 документке кол коюлушу күтүлүүдө
Кыргыз-кытай бизнес-форумунун алкагында 7,5 миллиард долларлык 25 документке кол коюлушу күтүлүүдө. Бул тууралуу Инвестицияларды коргоо жана алдыга жылдыруу агенттигинин башчысы Шумкарбек Адилбек уулу журналисттерге билдирди.
Айтымында, иш-чарага 100гө жакын ар кандай тармактагы кытайлык компаниялардын өкүлдөрү келишкен. Даярдыктар 2-3 айга созулган.
Жыйынтыгында айыл чарба, азыктарды кайра иштетүү, оор өнөр жай, тоо-кен казынасын иштетүү, электромобилдерди чогултуу, билим берүү жана социалдык турак жай тармагында документтерге кол коюлмакчы.
0
