17:38, 12 июня 2019, 24.kg
Иса Өмүркулов Атамбаевди кол тийбестиктен ажыратуу боюнча сунушка кол койду
Жогорку Кеңештин КСДП фракциясынын лидери Иса Өмүркулов экс-президент Алмазбек Атамбаевди кол тийбестиктен ажыратуу боюнча сунушка кол койду. Бул тууралуу ал журналисттерге билдирди.
Анын айтымында, депутаттардын кол коюлган сунушту тийиштүү комитеттер карап чыгат.
«Экс-президенттин кол тийбестигин алууну ишке ашырууга бир айдай убакыт кетет», — деди ал.
Айрым маалыматтарга караганда, 60 депутат сунушка макулдугун билдирди. Жогорку Кеңештин эки комитети сунушту карап чыгышы шарт. Бул боюнча атайын комиссия түзүлүп, алардын чечими Башкы прокуратуранын бүтүмү менен бирге палатага жөнөтүлөт.
0
