08:36, 07 июня 2019, 24.kg
Казакстанда эки айга камалган вице-министр коррупцияга шектелүүдө
Эки айга камакка алынган Казакстандын билим берүү жана илим министринин орун басары Элмира Суханбердиева пара алуу, мыйзамсыз түрдө ишкердик менен алектенүү жана кызмат абалынан кыянат пайдаланууга айыпталууда.
Бул тууралуу коррупцияга каршы кызматтын маалымат катчысы Жанна Бастарова билдирди.
6-июнда Казакстандын Тергөө соту билим берүү жана илим министринин орун басары Элмира Суханбердиеваны эки айга, 2-августка чейин камоо чечимин чыгарган.
Өткөн айда коррупцияга каршы кызмат улуттук тест тапшыруу борборунун башчысы Рамзан Алимкуловго карата териштирүү иштери башталганын кабарлаган.
Бастарова бул эки иштин бири-бирине тиешеси бар-жогун ачыктаган жок.
0
