11:02, 06 июня 2019, 24.kg
УКМК Кыргызстанда жасалма паспорт даярдоо боюнча каналды таап чыкты
УКМК Кыргызстанда жасалма паспорт даярдоо боюнча каналды таап чыкты. Бул тууралуу УКМК билдирди.
Маалыматка караганда, Стамбул шаарына учуп кетүүгө аракет кылган коңшу өлкөнүн 29 жаштагы жараны «Манас-аба майдан» көзөмөл-өткөрүү пунктунан жасалма паспорту менен кармалды. Ал Ислам Кодиров деген жаранга таандык паспортту алып жүргөн.
Текшерүү маалында паспорттун чыныгы ээси Ош облусунда туулган 2003-жылкы А.у.Б. экени аныкталды.
Ошол эле убакта «Манас» аба майданынын күтүү залынан аталган кылмыштуу топтун уюштуруучусу А.С. кармалды. Анын жанынан 1987-жылы туулган Пайзулло Насыровго таандык паспорт табылды.
УКМКнын маалыматына ылайык, А.С. аттуу жаран чет элдик жарандар үчүн Кыргызстандын паспортун жасалмалап сатып жүргөн.
0
