11:36, 03 июня 2019, 24.kg
Депутат шайлоо босогосун 9 пайыз кылып калтырууну сунуштады
Депутат Айнуру Алтыбаева шайлоо босогосун 9 пайыз кылып калтырууну сунуштады. Бул тууралуу ал парламенттик угууда шайлоо мыйзамдуулугуна өзгөртүүлөрдү киргизүү пакетин талкуулап жатканда айтты.
«Өнүгүү-Прогресс» фракциясынын лидери Бакыт Төрөбаев босогону 5 пайызга чейин төмөндөтүү керек деп эсептейт.
«Шайлоо босогосунун төмөн болушу шайлоо процессине көп партияларды тартууга жардам берет. Бул саясий идеялардын атаандаштыгын өстүрөт», -деди ал. Бирок, Айнуру Алтыбаева 9 пайызды калтырууну туура дейт. Айтымында, ошондо Жогорку Кеңешке элдин колдоосуна ээ болгон ири партиялар келет.
0
