15:21, 31 мая 2019, 24.kg
Дүйшөнбек Зилалиевдин мыйзамсыз баюу фактысы боюнча иши сотко өттү
Мурунку вице-премьер-министр Дүйшөнбек Зилалиевдин мыйзамсыз баюу фактысы боюнча иши сотко өттү. Бул тууралуу Башкы прокуратурадан билдиришти.
Маалыматка ылайык, иликтөө аяктап, иш Биринчи Май райондук сотунда каралмакчы.
«Дүйшөнбек Зилалиевге 2010-жылдан 2017-жылга чейин мамлекеттик түзүмдөрдө ар кандай жетекчилик кызматты аркалап жүргөндө, анын расмий кирешесинен көп болгон мүлккө ээ болгон деген айып тагылууда», -деп билдиришти Башкы прокуратурадан.
Эске салсак, былтыр декабрда УКМК Дүйшөнбек Зилалиевден декларацияда көрсөтүлбөгөн үй, батир жана банктык эсептеги миллиондорду тапкан. Ал күнөөнү мойнуна албай келет.
0
