16:40, 24 мая 2019, 24.kg
Акыркы коңгуроо. Өлкө аймагында 3 миң 977 милиция коомдук тартипти көзөмөлдөйт
25-майда өлкө аймагында 3 миң 977 милиция коомдук тартипти көзөмөлдөйт. Бул тууралуу ИИМдин басма сөз кызматы кабарлады.
«Акыркы коңгуроого арналган кечелерди өткөрүүдө коомдук тартипти көзөмөлдөө үчүн ИИМ план кабыл алды. Коомдук тартипти камсыздоо боюнча Ички иштер органдарынын республиканын аймагында 3 миң 977 тартип сакчы кызмат өтөшөт», — деп айтылат маалыматта.
Бардык жалпы билим берүү мекемелеринде салтанаттуу иш- чаралар аяктагандан кийин, Ички иштер башкармалыктардын Кайгуул күзөт кызматкерлери жана милиция эс алуучу жайларда коомдук тартипти сактоо боюнча иш алып барышат.
0
