16:32, 23 мая 2019, 24.kg
Бишкекте № 114 маршруттук унаанын каттамы өзгөрдү
Бишкекте № 114 маршруттук унаанын каттамы өзгөрдү. Бул тууралуу мэриянын басма сөз кызматынан билдиришти.
Маалыматка таянсак, мындан ары кичи автобус Щербаков көчөсүнүн ордуна Баялинов менен жүрө турган болду. Калган схема өзгөргөн жок.
«Мындай чечимге Щербаков көчөсүндө жүргүнчүлөрдүн өтө аз болгону себеп болду», — деп айтылат маалыматта. Транспортко байланыштуу бардык суроолор боюнча төмөнкү номерлер аркылуу байланышка чыкса болот:
- WhatsApp каналы — 0 555 33 00 31;
- Маршруткалардын иши боюнча — 0 312 53 36 48;
- Автобустардын иши боюнча — 0 312 53 48 24, 53 18 17.
0
